حلاوة الجزر
750 غم جزر
هيل
جوز
سكر كوب ونص وحلاوة طلعت حلاتها مناسبة مو حلوة زيادة
يعني اللي يحب حلاتها زايدة يزيد بالسكر
2ملعقة كبار طحين
2ملعقة كبار نشا
زبد او زيت تقريبا اقل من ربع كوب واستعملت الزبد اهنا
برشت الجزر اول خطوة
بعدها ذوبت الزبدة بقدر بس تذوب الزبدة نضيف الجزر المبشور
ويبقى يحمس على النار الى ان ينهرس الجزر ويذبل وعلى نار هادئة تقريبا نص ساعة او اكثر وكل شوية اقلبة واذا احتاج ماء قليل اضيف مو هواية
يبقى الجزر على النار الى ان يذبل ويلين
اضيف السكروابقيةلمدة عشر دقائق يذوب
ومن يبدي يذوب السكر اضيف الطحين والنشا والجوز و هيل تقريبا ملعقة كوب مملوئة لان احب نكهة الهيل بالحلاوة ويبقى على النار هادئة هم تقريبا نص ساعة الى ان تثخن مع التقليب
تبدي الحلاوة تثخن مثل ماتشوفون بالصور موضحة وتنرفع كلها بالملعقة تصير كلها متماسكة
واصبها وازينها بالجوز
وعوافي
0 comments:
Post a Comment